Олунньу ый 13 күнүгэр Болугур нэһилиэгэр «Төрөөбүт тыл, сурук-бичик күнүн» бэлиэтээтибит. Биирдиилээн нэһилиэк олохтоохторо, түөлбэлэр, тэрилтэлэр кыттыылаах нэһилиэкпит инники сайда, чэчирии, тупса турарын туһугар, Улуу Кыайыы 80 сылынан «Болугур сайдар саҕахтара»бырайыак көрүүтүн күрэҕэ буолан ааста. Уопсайа 11 кыттааччы бэйэрин бырайыактарын көмүскээн, сэҥээриини ыллылар. 1миэстэҕэ — Е.Е. Пахомов аатынан орто оскуола учуутала Кожурова Сахаяна Юдовна «Нэһилиэккэ дьон аатын сүгэр уулуссалар» бырайыак; нэһилиэк кырдьаҕастарын сэбиэтин аатыттан Кондакова Варвара Афанасьевна «Сырдык сулус саҕахтара» бырайыак; 2 миэстэҕэ — «Үрүҥ Күөл» түөлбэ аатыттан Назарова Александра Андреевна «Соревнование среди школьников по стрельбе им. ветерана ВОВ Назарова Степана Гаврильевича» бырайыак; 3 миэстэҕэ — Е.Е. Пахомов аатынан орто оскуолаттан Иванова Анна Васильевна «Сахалыы остуол оонньууларынан оҕону иитии» бырайыак; Потапова Любовь Вячеславовна «Амма өрүс кытылынан, сынньалаҥ сирдэри тэрийии» бырайыак уонна Никифоров Тимофей Трофимович «Музей в рюкзаке» бырайыага биһирэбили ылла. Тустаах хамыһыйа көрөн, бырайыактары сыаналаан инники сайдалларыгар уонна үлэҕэ киирэллэригэр күүс — көмө, өйөбүл буолар сыаллаах түмүктэннэ. Бу күн, «Төрөөбүт тыл, сурук- бичик күнүнэн» бэйэлэрин эҕэрдэлэрин «Күндүл» оҕолор, «Сарыада», «Чөмчүүк» фольклорнай бөлөхтөрө эҕэрдэлэрин ырыанан, үҥкүүнэн тиэртилэр. «Илгэлээх Ийэ тылбыт» быыстапканан олохтоох библиотека уонна кыраайы үөрэтээччи Никифоров Тимофей Трофимович бар дьонноругар таһаардылар. Олохтоох Станислав Софронов оһуохайынан түмүктэннэ. Ийэ тылбыт уостубатын,
Сахалыы саҥабыт сатараатын!
