Ытык-мааны Болугур нэһилиэгин олохтоохторо уонна ыалдьыттара! Эһигини Эргэ Саҥа Дьылынан эҕэрдэлээн туран биир дойдулаахпыт олоҥхоһут, импровизатор Алексей Григорьевич Агапов олоҥхотун ырыаларыгар олоҕуран, биир дойдулаахпыт Саргы Куо айымньытынан тупсарыллыбыт «Алтан Сабарай бухатыыр» олоҥхо испэхтээкили көрүҥ.
Ахсынньы 27 күнүгэр оҕолорго аналлаах «Маша и Медведь» Саҥа дьыллааҕы аралдьытыы тэрээһин буолан ааста.
Ахсынньы 26 күнүгэр саргылаах Саҥа дьылы көрсө доруобуйаларынан хааччахтаах улахан дьоҥҥо аналлаах «Дьоллоох түгэн» тэрээһин буолан ааста.
Саҥа сыл маҥнайгы күнүгэр, Болугур нэһилиэгин тэрилтэлэрин үөрүү үктэллээх «Голубой огонёк» тэрээһинэ буолан ааста.
Тохсунньу ый 3 күнүгэр, Саҥа дьылынан Амма нэһилиэгиттэн «РДК 80» тыыннаах доҕуһуолунан кэрэ, бастыҥ ырыалары бэлэх уунна. Дьон — сэргэ тоҕуоруһа мустан үҥкүүлээн, үөрэн — көтөн бардылар. Махталбытын тиэрдэбит салайааччыга Орестов Юрий Юрьевичка, субу курдук үүнэр көлүөнэҕэ тарҕата, ыллыы — туойа сылдьын.
Ахсынньы 31 күнэ Саргылаах Саҥа дьылынан, биир дойдулаахпыт, Саха эстрадатын чаҕылхай сулуһа «Айса» айар киэһээтинэн, ылбаҕай ырыатынан саҥа сылбытын көрүстүбүт
Ахсынньы ый 29 күнүгэр, ООО «Күн оҕолоро» творческай группа «Моҕол Ураһа» докуметальнай киинэни көрдөрдө. Болугур нэһилиэгин «Арчылаана» эбээлэр түмсүүлэрэ бу документальнай киинэ уһуллуутугар кыттыыны ылбыттара. Киинэ кулун тутар ыйга презентацията Дьокуускай куоракка буолар.
Ахсынньы 30 күнэ 2023 сыл түмүгүнэн «Сайдыыны түстээччи» нэһилиэк бастыҥ дьонугар анал ааты туттарыы үөрүүлээх чааһа
Болугур нэһилиэгэр Олоҥхо декадатыгар анаан нэһилиэк тэрилтэлэрин, түөлбэлэрин икки ардыларыгар олоҥхо ааҕыыта, атыы — эргиэн дьаарбаҥка күрэхтэрэ.