Улууска ыытыллар олоҥхо ыһыаҕын көрсө нэһилиэкпит тэрилтэлэринэн, түмсүүлэринэн бэлэмнэнии үлэлэр ыытыллаллар. «Арчылаана» эбээлэр түмсүүлэрэ (сал. Иванова У.И.) 400 м. сиэлинэн салама ситии хатааһынын култуура киинигэр мустан үлэлииллэр. Ситии сиэлин ТХПК «Болугур», КФХ-ларбыт биэрэн үлэ күүстээхтик барар.
Уран тарбахтаах иистэҥньэн И.В. Гаврильева тохсунньу 26 күнүгэр нэһилиэк тэрилтэлэригэр олбох тигиигэ маастар кылаас ыытта. Олбох таҥаһа эрдэ ылыллан култуура киинин үлэһит кыргыттара Е.Н. Грязнухина, У.Г. Мартынова, И.В. Гаврильева салалтатынан барытын быһан-отон бэлэмнээн тэрилтэлэргэ түҥэттилэр. Нэһилиэк барыта 214 олбоҕу тигиэхтээх.
