Амма улууһугар ыытыллар олоҥхо ыһыаҕар бары нэһилиэк ыалдьыттарга анаан олбох тигэр. М.А. Ноговицын аатынан култуура киинэ материалы атыылаһан, иистэнньэҥ Гаврильева И.В. биир күн тэрилтэлэргэ маастар-кылаас ыытта уонна үлэһиттэр Грязнухина Е.Н., Мартынова У.Г. көмөлөһөн олбоҕу барытын быһан, тигиллэр эрэ гынна бэлэмнээн нэһилиэк тэрилтэлэригэр үллэрдилэр. Нэһилиэк тэрилтэлэригэр ахсаанынан олбоҕу үллэрэн, олбоҕу тигии үлэтэ күүскэ бара турар. Бары биир сомоҕо буолан, Өрөспүүбүлүкэтээҕи Олоҥхо ыһыаҕар, нэһилиэкпит тэрилтэлэрэ, биирдиилээн дьон кыбытык тигиилээх олбохторун тигэн бүтэрэн туттартаан эрэллэр. Махтал барыгытыгар, өссө да күүстээх үлэбит иннибитигэр!
