Бүгүн о.э. олунньу ый 11 күнүгэр Е.Е. Пахомов аатынан Болугур орто оскуолатын спортивнай саалатыгар «Болугур нэһилиэгэ» МТ аҕа баһылыгын Кубогар нэһилиэк тэрилтэлэрин икки ардыгар Волейболга уонна Остуол тенниһыгар сарсыарда эрдэттэн киэһээ хойукка дылы тыҥааһыннаах күрэх ыытылынна. Күрэххэ 6 хамаанда кыттыына ылла. Түмүккэ остуол тенниһыгар дьахталларга:
1 миэстэ Олохтоох дьаһалта уонна Култуура киинэ холбоһуктаах тэрилтэ аатыттан Саргылана Яковлева,
2 миэстэ Е.Е. Пахомов аатынан Болугур орто оскуолатыттан Анна Макарова
3 миэстэ эдэр ыччат Сардана Филиппова,
Эр дьоннорго:
1 миэстэ Е.Е. Пахомов аатынан Болугур орто оскуолатыттан Александр Петрович Михайлов,
2 миэстэ ОДьКХ үлэһитэ Руслан Попов,
3 миэстэ эдэр ыччат Александр Кузьмин ыллылар.
Волейболга бириистээх миэстэлэргэ:
1 миэстэҕэ «Колосок» оҕо уһуйаана уонна ОДьКХ холбоһуктаах тэрилтэлэр,
2 миэстэҕэ Болугурдааҕы #2 баһаарынай чаас уонна балыыһа холбоһуктаах тэрилтэлэр,
3 миэстэҕэ Эдэр ыччаттар таҕыстылар.
Спорт Ветераннарын туруорбут анал бириистэрин Техничный игрок анал ааты Василий Кузьмиҥҥа, Стабильнай оонньооччу София Сидороваҕа, Галина Гаврильевна Максимова анал бирииһин Михаил Колесовка туттулар.
Саамай кыра оонньооччу анал ааты Ася Аммосова ылла.
Баһылык Андрей Никитич күрэх судьуйатыгар Спорт ветераныгар, Болугур Бочуоттаах олохтооҕор Елена Семеновна Никифороваҕа махтанан туран анал бириис туттарда.
Бары кыттыбыт тэрилтэлэрбитигэр барҕа махталбытын биллэрэбит. Бука бары бииргэбит!
